ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានត្រលប់ចូលលេងកីឡាវាយកូនគោលវិញបន្ទាប់ពីខកខានដោយសារដឹកនាំការប្រយុទ្ធនឹងជំងឺកូវីដ-១៩។
នៅព្រឹកថ្ងៃទី១៩ ខែធ្នូនេះ សម្ដេចតេជោបានបង្ហោះលើហ្វេសបុកសម្ដេចចំនួន១៧សន្លឹកដោយភ្ជាប់នូវសារយ៉ាងដូច្នេះថា ៖ «ថ្ងៃនេះវាយកូនគោលជាលើកដំបូងក្រោយខកខានដោយសារកូវីដ១៩មួយរយៈពេលកន្លងមក។ សូមជូនពរបងប្អូនជនរួមជាតិជួបតែសេចក្តីសុខសេចក្តីចម្រើនក្រោយបើកប្រទេសឡើងវិញបន្ទាប់ពីកូវីដបានធូរស្រាល» ។
កីឡាវាយកូនគោលគឺជាកីឡាដែល សម្ដេចតេជោ ចូលចិត្តជាងគេក្នុងចំណោមកីឡានានា ទោះជាយ៉ាងណាដោយសាររវល់ដឹកនាំប្រទេសក្នុងការប្រយុទ្ធប្រឆាំងជំងឺកូវីដ-១៩ សម្ដេចតេជោបានដកឃ្លាពីកីឡាដែលសម្ដេចចូលចិត្តនេះមួយរយៈ។
កម្ពុជាជាប្រទេសទី១នៅអាស៊ី និងលេខ៥លើពិភពលោកដែលសម្រេចការចាក់វ៉ាក់សាំងជូនពលរដ្ឋបានខ្ពស់បំផុត។ គិតត្រឹមថ្ងៃទី១៨ ខែធ្នូ ឆ្នាំ២០២១ម្សិលមិញកម្ពុជាសម្រេចចាក់វ៉ាក់សាំងជូនពលរដ្ឋបានជាង១៤លាននាក់ ដែលស្មើនឹងជិត៨៩ភាគរយនៃពលរដ្ឋសរុប១៦លាននាក់។ ភាពជោគជ័យនៃការចាក់វ៉ាក់សាំងនេះបានធ្វើឱ្យកម្ពុជាបើកសង្គមសេដ្ឋកិច្ចវិញទាំងស្រុងកាលពីថ្ងៃទី១ ខែវិច្ឆិកា ឆ្នាំ២០២១ កន្លងទៅ៕
